Tere Jaane se toh kucchh badla nahi

Tere Jaane se toh kucchh badla nahi,
Raat bhi aayi thi aur chaand bhi tha...
Saans bhi aise hi chalti hai
Hamesha ki tarah!
Aankh waise hi jhapakti hai
Hamesha ki tarah...
Thodi si bheegi hui rehti hai
Aur kucchh bhi nahi!

Honth khushk hote hai aur
Pyaas bhi lagti hai,
Aaj kal shaam hi se
Sard hawaa chalti hai..
Baat karne se dhuaan uthta hai
Par woh dil ka nahi,

Tere jaane se toh kucchh badla nahi,
Raat bhi aayi thi aur chaand bhi tha..

Haan! Magar neend nahi, Neend nahi...